120 ANIVERSARIO DA FUNDACIÓN DO COLEXIO DAS FILLAS DA CARIDADE DE MARIN

Non todos os días se cumpren 120 anos e ese foi precisamente o aniversario que onte se conmemorou en Marín, o da chegada ao municipio da congregación relixiosa das Fillas da Caridade. 

Decenas de exalumnos e exalumnas do Colexio Inmaculada déronse cita para celebrar a efemérides. 

O primeiro prato do día foi o festival, que contou coa actuación de Trompos pés, dun grupo de ximnasia rítmica do colexio, da coral do Centro Social e dunha pequena representación de virtuosos da banda do Ateneo. Tamén, fóra de programa, pero non por iso menos emotivo, foi a actuación dun grupo de "mozas" exalumnas que interpretou o antigo himno do colexio. 

Xa rematando o acto, chegou a parte dos discursos, o da Directora Pedagóxica do centro, Elena Sobral; o da alcaldesa de Marín, María Ramallo; e o da representante da titularidade do centro, Sor Manuela.

Ao finalizar o festival, a congregación relixiosa recibiu un detalle por parte da alcaldesa de Marín e outro recordo procedente da Deputación provincial.
A continuación tería lugar un banquete ao que asistiron máis de oitenta persoas e alí fíxose entrega da orla de honra na que figuraban exalumnos das décadas dos 40, 50 e 60.

Xa pola tarde, moitos dos presentes acudiron á misa da Medalla Milagres no Templo Novo que foi o broche final a un día cheo de emocións e recordos.
Esperemos que a comunidade das Fillas da Caridade sigan entre nós moitos anos. ¡NORABOA POLO VOSO LABOR!
Se queres ver as fotos da Homenaxe preme no seguinte enlace:

120 ANIVERSARIO FILLAS DA CARIDADE DE MARIN